Rechtobler Dialekt

Lade Karte ...

Datum/Zeit
28.05.2016
18:00

Veranstaltungsort
Abtropfi Hofmüli


Iladig zum Abtropfi – Alass

vom 28. Mai 2016, 18.00 Uhr

 

I wett ali Gaaltli [alte Öbername för d‘ Reechtöbler], Mitglieder ond Fründ
id Abtropfi ai ilade, onne am Rää.

 

Gmäsam wömmer ös e Wiili zrogg erinnere. I mag mi gad no knapp e so psinne,
wies frühner bi den Lüüt vom Rechtobel tönt hät, wenns gschwätzt händ..
Vili wössit da aber nomme. Mi tüechts schad, dass die Ägeheite fortlaufend verlore gönd.
Dromme chas nütz schade, au wämer nöd direkt näbis för die Sach chönd tue,
ös nomol tüend zrog bsinne.
Ganz wenig Lüt schwäzit no wie frühner. En defo isch de Hanueli Zoberbühler.
Er werd ös d‘ Bonderheite vo ösem Dialekt wieder i Erinnerig rüefe.

Mer tröffid ös scho näbe: Am Samstig, 28. Mai. afange tüemer am sächsi.

Zem Zog gots droff abi gad wieter. Zämme wömer z’nachtesse.
Zerscht geht’s Schmotter zämme met e chli Südwörscht ond Grüezüg.
Chäshönli im Schmee ond met Bölle brötlet, dass es tuet e chli anewäre.
Epfelmues passt gad au no dezue.
Wenn mer Gfell händ, denn rondet e chli Bere-Schlorziflade da Obetesse ab.

De Pries isch recht wolfel -näbis om di zwänzg oograad- ond vilicht no e betzeli mee.
E Gläsli zwää tuet en Jede selber, wenn er will, schlappe ond dezue berappe.

En Kaffi mit emene Schleck Nidel oder amene Schnäpsli, no wenns äm gfallt, momer aber scho probire.

I hoffe mer händs a dem Obet recht zeme, denn cha see, dass  si dä cha i d‘ Längi züche.

 

Es freut si of Eu

Karl Schläpfer

 

 

Schlompfe ond schloerfe got denn nöd.
S‘Sontighääs oder sösch e Schlotte passt hoorscharf.

Bimene Höörli het in no näbis vegesse: machit doch, wenn mögli, rechti Fueder bim Personetransport, nöd dass mer zvill Vehickel donne händ.

 

 

Mer freued ös off vill Ameldige. Ameldig bitte bis spötischtens am Mecktig, 25. Mai a: ksw@bluewin.ch

Bookings

Buchungen sind für diese Veranstaltung geschlossen.